میرا پیغام پاکستان
محبت امن ہے اور امن کا پیغام پاکستان
پاکستان پاکستان، پاکستان پاکستان
میرا پیغام پاکستان، میرا انعام پاکستان
خدا کی خاص رحمت ہے، بزرگوں کی بشارت ہے.
کئی نسلوں کی قربانی، کئی نسلوں کی محنت ہے.
اثاثہ ہے دلیروں کا، شہیدوں کی امانت ہے.
تعاون ہی تعاون ہے، محبت ہی محبت ہے.
جبھی تاریخ نے لکھا ہے، اس کا نام پاکستان
اندھیروں کو مٹائے گا، اجالا بن کے چھائے گا۔
یہ خطہ انقلابی ہے، نئی دنیا بنائے گا
اگر اللہ نے چاہا، زمانہ وہ بھی آئے گا
جہاں تک وقت جائے گا، اسے آگے ہی پائے گا
ندا قائد کی ہے اقبال کا الہام پاکستان
